الجملة المشهورة بتاعت خالد النبوي لما قال " لما الدنيا تخيرك بين اللي بتحبه و اللي بيريحك اختار اللي بيريحك …. الى آخره "
الكلمة تبان كاريزما و ليها معنى بس الحقيقة ان لما تحب حب حقيقي لا يمكن هيكون اللي بتحبه مش بيريحك !
بل بالعكس فكرة ان الدنيا تحطك في الاختيار ده دلالة على شك الكون في حبك للشخص و لو اخترت اللي بيريحك تبقى محبتش خالص
احنا آه بنقف جنب نفسنا و نتتصرلها في معارك مختلفة اثناء علاقتنا بالآخر، لكن في الحب انتصارك لنفسك بيكون انك تكون مع الحبيب أصلاً أياً كان اللي حصل بينكوا و من هنا جت فكرة ان العشرة محتاجة تسامح تسااااااامح كتييييييير و تواصل، و ده بيعمله المحبين لأن بدونه مبيرتاحوش.