بتصحى تقيل و حاسس بالملل
البوست ده علشانك ????????
الحاجة اللى تخليك تحس بالملل هو انك عارف تفاصيل يومك، مفيش جديد
اللى بنصحى فيه بننام فيه !
حتى لو كنت بتعمل حجات كتير جدا جدا فى اليوم ده !
طيب .... ايه اللى يفرق اليوم ده عن غيره و يخليه يوم مختلف ؟؟
---------------
أول ما تصحى متفكرش فى اللى انت هتعمله على مدار اليوم، فكر انك هتفاجئ نفسك النهاردة !
ازاى ؟
فتحت عينى و انا عارف انى مفروض اروح الحمام و اغسل وشى و أسنانى .... الى آخره
المرة دى اعمل حاجة مختلفة
افتح عينك و ادخل تحت الدش !
مثال تانى ....
عارف انى هأخلص شغل و أروح علشان اتغدى .... الى آخره
المرة دى خلص شغل و اطلع على حد من صحابك خده و انزلوا
مثال تالت
عارفة انى هأذاكر للأولاد عشان وقتنا ضيق بالليل و لازم نعمل كذا كذا .... الى آخره
المرة دى خدى الأولاد وروحوا كلوا آيس كريم فى اى حتة
------------
اليوم المتخطط مش دايماً حلو ! و لو عارف هتعمل فيه ايه بالتفصيل وبالترتيب هيكون ممل ....
فاجئ نفسك و متأجلش العيشة