لا أتمنى لك حياة الهامستر

أكتر شيء لا أتمناه لإنسان إنه يكون وحيد تمامًا في حياته، يعيش مجرد عابر في حياة الكل بدون محل إقامة أو سكن.. 

ملهوش انتماء لأي شخص ومعندوش مرجعية إلا نفسه، مفيش حد بيبص في عينه أخر اليوم فيعرف إنه مهموم أو فرحان أو مقهور أو خايف أو راضي أو بيحب.. مفيش حد بيمسك أيده أو يحضنه ويقوله متخافش أنا هنا.. ملهوش حد لما يحصله حاجة حلوة ٱو وحشة يجري يبلغه بسرعة عشان يفرح معاه أو ميبقاش لوحده في الوجع..

كل الكلام والمشاعر ومظاهر الحياة والأحلام بيبلعهم بصعوبة عشان ملهومش مكان في الواقع، يخدع نفسه بمظاهر براقة وهو عارف كويس إنه بيخدع نفسه وإن روحه مجوفة عشان كدة صوتها عالي.. 

متمناش لحد حياته تبقى زي الهامستر اللي في قفص بيلف طول النهار جوة العجلة، بيحرق على الفاضي ومبيوصلش لأي مكان..