لعبة كرة القدم التي اتلفها الهوي

هو ليه كل حاجة في حياتنا بقي فيها كتاب دين لا ينفع نعلق عليها ولا ننتقدها ولا نفتح بؤنا والا نبقي وحشيين ومش كيوت ومتحضريين وعميقيين.. طول عمرنا بنشتم لعيبة الكورة لما بيتغلبوا وفي المقابل بنرفعهم ع دماغنا وبيكسبوا ملايين لما بيفوزوا...ايه العجيب والمريب في ده؟! ايه الغريب في اننا نقيم صلاح زي اي لاعب في اي ماتش؟ ليه كل مانتكلم عنه يطلع مليون صوت اوعي كله الا صلاح ...حبيبي انت بتشجع لعبة كورة ولعيب كورة مش بتدافع عن المدام والله لعبة الكورة طول عمرها لعبة شعبية بتاعة مشجعين الشارع والحواري وتشجيعاتهم وهتافتهم جو البدل  المنشية و البنات اللي رايحة تعمل لايف من الماتش وتتفرج ع استاذ صلاح وهو بيسخن دول ملهمش اي علاقة بالكورة دول ماشيين ع الموضة لكن هتافات الكورة وتشجيعها الشعبي اللي بيرج الملاعب طول عمره الاعب رقم 12 اللي بيحسم اي مبارة وده اللي محضرش في ماتش القاهرة وحضر في ماتش السنغال وكان سبب قوي  في النتيجة  مش معني كده ان مشجعين السنغال كانوا صح ولا انهم مكنوش متجاوزين تماما في سلوكهم ويستوجب عقوبات قوية... لكن هما سببوا رعب نفسي حقيقي للمنتخب بتاعنا  وده جزء من دور المشجعين في اي ماتش مصيري وكان مفروض من اول دقيقة نعترض واتحاد الكورة يعترض وصلاح لما الليزر ضرب في وشه كان لازم يعترض ولو ان كل ده كان ممكن يتحسم  بدري عندنا في استاد القاهرة بدل ماحنا غاويين نصعبها ع نفسنا علشان احنا مؤدبين اوي