كستور

كستور مكستر كساتير
دي حقيقة مش أساطير
إحنا الصيّاد وانتوا العصافير
م القطن طويل التيلة
ياخي جتكوا ستين نيلة
فصلنالكوا بيچاما
وحاجات تانية ياما
علّمنا عليكوا علامة
كستور مكستر كساتير
دي حقيقة مش أساطير
إصحوا لينا إحنا جينا
وخسفنا الأرض بأعدينا
كستورنا مٰفيش منه
غالي جددددًا إكمّنه
صناعة مصريّة فاخرة
عيون ولادنا ساهرة
في البحر وع الحدود
والجوّ يا عبد الودود
يا غالي يا أبو الجود
كستور مكستر كساتير
دي حقيقة مش أساطير
إحنا ولاد النيل
لابسنا ولاد راشيل
كستور وكمان كستور
من امتى يا واد مغرور؟
فاكر الخط، طب فاكر السور؟
كستور مكستر كساتير
دي حقيقة مش أساطير
ولاد مصر الأبيّة
حطوا ع الصـ..هيونية
جابوا مناخيرها الأرض
رجالة ما بتضيعش فرض
حاربوا بعقيدة وإيمان
أسود، وحوش، فرسان
اللي يقع تحت إيديهم غلبان
كستور مكستر كساتير
دي حقيقة مش أساطير
واسألوا كولدامايير