بكتب علشان واقع مليان آهات و مواجع
عاوزه في سطوري أعيش بعيد .....عنه
بكتب علشان قلمي يكمل معايا حلمي
ويمسح بأستيكته هم ........على كتفي
كبيييييير مش قده انا ...في غِنى عنه
بكتب علشان كلمة تعدى .....كالنسمة
على حران في ............عز الصيف
تطبطب على قلبه وتطيب كده وجعه
ويجي بقى بكرة غيري واخد فكرة
من قلمي عن دنيا لا عاشها ولا عرفها
بس قلمي حكى عنها وصفها ورسمها
بكتب علشان اهرب من نفسي في سطوري
وأعيش بقى ملكة واكمل بقى دوري
وارسم حدود حلمي وأعيش مع حرفي
قصة عشق اسطوري