بعد ما ال time line أصبح صفحة الوفيات
عايزين نفتكر حاجه مهمه
ان الماده لا تفنى ولا تُخلق من عدم
اللي بيموت مش بيتلاشى أعزائي
اللي بيموت فقط بيسافر
و احنا هنحصله إن عاجلا أو أجلا
هم انتقلوا من الأرض لمرحلة البرزخ
زي كده ما كلنا اتنقلنا من رحم امهاتنا للأرض
و احنا جوه الرحم
كانت كل حدود معرفتنا عن عالمنا؛ رحم الأم
منين بيجينا الغذاء
و كيف نخرج فضلاتنا
و الحبل السري العظيم الكريم
و صوت قلب مامتنا الذي يؤنسنا ليل نهار
لو كان ساعتها حد كلمنا ان فيه شخص تاني غيرنا ممكن نقابله
ما كانتش حدود تفكيرنا هتستوعب ذلك
تفكيرنا كان مقتصر على حدود عالمنا : رَحِم أمنا
بعد ما خرجنا لوجه الأرض
نفس الشئ
انما في حدود الأرض
كل افكارنا أرضيه محدوده
يمكن فيما عدا الأحلام
التي تأخذنا لعالم أخر
عالم تعرفت عليه عندما واجهت أول صدمة موت في حياتي
صدمة أمي ثم أبي ثم أختي عليهم جميعا رضى الله
طالما شكروني و لاموني و زاروا من له تأثير عليٓ في شبابي
مشكلة الموت الحقيقيه في #الفراق
في حرماننا من دور من مات
لكن المتوفي بخير بل إرتاح من الدنيا و مطباتها
اللي بيحب ميته
يستبشر بمكانته اللي اترقى لها
و يجتهد فيما يوصله لتلك المكانه أو اعلى
اللي عايش لايزال له دور على وجه البسيطه
على كل منا
البحث عن دوره
و تعبئة رصيده ببنك الآخره