كبرنا جدا و اتعلمنا دروس مكناش نتوقعها .
كبرنا و شوفنا قيم و مُثل بتنهار قدامنا بعد ما كنا شايفنها ف سابع سما .
كبرنا و عرفنا أن براءة الحملان لا تليق بهذا الزمان .
كبرنا و شوفنا خطوط و تجاعيد الدنيا على قلوبنا قبل وشوشنا .
كبرنا كمان من و إحنا ف عز مرح الشباب و تحولنا لدُمى ماشية على الأرض بدون مشاعر .
كبرنا و شوفنا اكتر ناس خدعتنا هما اللى ياما احتاجوا لينا و كنا ليهم السند و القوة وقت ضعفهم .
كبرنا و شوفنا الزمان بيدور بينا زى الرحايا و إحنا جواه لا حول لينا ولا قوة .
كبرنا و شوفنا أحلام امبارح و هى بتتحقق النهاردة لكن للأسف كوابيس .
ولكن ....
أقف و انفض غبار الزمن من عليك .
أتعلم تتحدى .. تثابر .. تقاوم .
أتعلم أن ضربه النهاردة هى اللى هتخليك تقف بكرة و أنت رافع رأسك ل عنان السماء .
أتعلم كمان أن خذلان الغدارين هو اللى هيعرفك تكمل مع مين و تبعد كمان عن مين .
هتتعلم إن متصنع الود زى الزجاج الشفاف الخفيف مع اول خبطة هيتكسر و محبتهم المزيفة هتتهشم .
و متقلقش لان مع كل تجربة و صدمة ثقتك بنفسك هتزيد .
و إن اللى النهاردة شوه سمعتك و شكلك بين الناس ...
هيقابل اللى يردله نفس الاحساس .
أتعلم من كل تجربة تمر بيها إنك تمشى رافع رأسك لفوق .. فوق أوى .
حاول و عافر و صمم تحقق أحلامك الحلوة اللى اتمنيتها وأنت صغير .
و أرمى الكوابيس ورا ضهرك حتى لو كانت الكوابيس على هيئه أشخاص .
و علشان تحقق حلمك صح اوعى تتمسك بحبال دايبة .
خلى دايما سنك اللى بطاقة يختلف تماماً عن سن روحك اللى الناس هتتعامل معاك بية .
الكِبر الحقيقى مش ملامح ... الكِبر الحقيقى جسد عايش من غير روح .
أحلم و حقق حلمك .
و افتكر إنك مهما كبرت مفيش حد لتحقيق الاحلام .
المهم إنك تكون صاحب القرار