" جوز الست "
ده الراجل اللي بيخاف يمارس حقوقه في العيشة
طب ايه الفرق بين الراجل اللي بيقدر الست و يخاف على زعلها من الراجل اللي بيخاف من الست ؟
الأول عنده الأوبشن و قادر تماماً انه يعمل الشئ و لو عمله متأكد ان الست دي لا هتسيبه ولا هتتغير عليه من حبها فيه و مدرك تماماً ان الحاجة اللي عايزها هي حق من حقوقه مش بيستضعفها مثلاً … لكنه قرر ميعملش ده بإرادته عشان هو شبعان و مبسوط
التاني لا شبعان ولا مبسوط و لو قرر يمارس حقه هيحصل ريأكت يهد البيت على نافوخه فأسهل عليه انه يقنع نفسه ان الحق ده مش حقه ولا حاجة و ينيمها بمعايير مثالية عشان يحس انه بيعمل كده بإرادته و ان محدش جابره
الحقوق دي بقى من أول ان يكون بيته سكن مش مردغانة
وصولاً للجواز التاني
مروراً بالمشاكل اليومية بكل تفاصيلها
الخلاصة : لو معندكش أوبشن فإنت مُسير مش مُخير
و اللي ممشيك هنا واحدة ست ببساطة