إذا أعيتك الأسباب
فأذهب لرب الاسباب
على بابه ما من احد خاب
المهم نروحله ضامنين
العفو قبل الثواب
متأكدين و القلب مطمن
ان بين لفتة عين و انتباهتها
يغير الأمر و يسبب الاسباب
الحمد لله على نعمة بيت الله الحرام
و تروح و تلاقي الكل قاصده
مش انت بس
الكل راجيه و متعشم
يرجع مجبور الخاطر
مش هيأس و لا صبري هينفذ
هأفضل بأستار بيتك متعلق
مهما ده و لا ده صدق و لا كذب
هي اول مره بيه باتعشم
ده ربي
هو صحيح ربهم هم كمان
لكنه ربي انا
خالقي انا
باشتكيله لوحدي انا
و من قبل الزمان بزمان
و عمره لرجايا ما خيب
و دايما بيسمع
و لطلبي بيرزق
و على قلبي بيطبطب
و يقولي انت مش لوحدك
انا جنبك
اوعي جزعك يهوب
انا من وريدك اقرب
و مع روحك بأحبب
و لسعدك دايما بأجرب
و هتلاقي اللي عمر ما على بالك خطر او قرب