احب تشاركوني حزني على عفريتي
قالوا زمان كدة ف الاساطير
ان الشاعر لابسه شيطان
بيخليه يحلم و يطير
و يقول بالكلمات الحان
خدها ف سرك كدة و ف بير
كل الشعرا مخاويين جان
و انا كنت اقعد ادندن و اكتب
و انسج بالكلمات اشعار
و القاني لحروفي ارتب
بالكلمة اعدي الأسوار
و لا بعرف اوزن ولا أحسب
و الموضوع كدة عندي هزار
لكن فجأة حروفي اتشلت
ولا بعرف اكتب و لا اقول
و الكلمات مني كدة بتفلت
و الأفكار بتموت و تزول
مخي كأنه اتشال و اتفرمت
و حطوا مكانه قدرة فول
بس خلاص و فهمت الفولة
عفريتي الظاهر كدة مات
و جاتني بداله مراته الغولة
اللي لا تعرف راح من آت
عفريتة غبية و مخبولة
بتجيني و تلهمني سكات