- هستفيد بجمالها و تستفيد هي ب ….
= ب ايه يبني ؟
- بمنصبي الاجتماعي
= هتستخدمك واسطة يعني ؟
- لا بفلوسي
= شوجر دادي و جولد ديجر يعني ♥️؟
- لا بجسمي و قوتي
= فتونة يعني ؟
- لا بذكائي
= هتخترعوا الذرة يعني ؟
- أمال أفيدها بإيه ؟؟؟؟ مش فاهم بجد يعني ممكن يكون ايه الحاجة المهمة الراسخة اللي افيد بيها ست شبعانة ؟ !!
= رجولتك يا عسل ! أي ست شبعانة بتعرف تعمل الدورين لكن عايزه تقوم بدورها بس
رجولتك في ان كلمتك تبقى واحدة و ان افعالك تبقى متسقة مع كلامك و ان ظاهرك يبقى زي باطنك متكونش منافق
رجولتك في انك تكون انسان آمن جوه نفسه فقادر تماماً يبعث الأمان في كل الناس اللي حواليه
رجولتك في استقلاليتك و حريتك و نضافة قلبك و ترفعك عن الالعاب و الاستظراف و النفسنة و اللت و العجن و شغل الحريم
كده يعني