بيقولوا الميت احساسه اكتر م الحيّ

وانا دايما روحك حواليا وف كل مكان

ايدك بتطبطب على روحي وكتفي البردان

وعيونك تلمع ف السماوات كما ضي ف ضي

يا عطاشا الحلم تساهيل يا حلاوة البكرة اهو جيّ

يا حياة بتعارك اسرارها وأصل المكنون

بتنادي الليل وتلاغي عيونه الغربة تهون

مولد افراح زغاريد وسبوع على دقة هون

وكلامك يرقص م الفرحة على عود لبليغ

يرمي النظرات لعيون وردة وحبيب لحبيب

دندن يا منيب...

وانا بسمع صوتك بينادي ف وداني يا مي

واستنى تعيدها تقول تاني.. ولا زيك زي

مين اللي يقول انك ميت

هما الأموات وبروحك حيّ

*******************

مي منصور

في عشق عبد الرحيم منصور

ذكرى الرحيل ٢٨يوليو