(فلان ربنا هداه)
كلمة دايما بنسمعها عن حد ربنا حطه في أزمة كبيرة وبنظن انه خرج منها انسان تاني لمجرد اننا شفناه هادي او ساكت بعد ما كان كلامه كتير
او بيصلي بعد ما كان مش ملتزم بالصلاة
أو بقا بيعامل اللي حواليه كويس بعد ما كان شخص جاف وقاسي!!
خلينا متفقيين ان فيه ناس ممكن بعد أزمة كبيرة يقربوا من ربنا فترة ويبدأوا يهدوا ويراجعوا حساباتهم لدرجة ان كل اللي حواليهم بيفتكروهم اتغيروا !
ونتفاجئ ان بمجرد زوال السبب او نسيان الازمة اللي مروا بيها بيرجعوا لحالهم تاني !!
بل بالعكس ممكن يطغوا اكتر ويجرحوا اللي حواليهم بشكل أكبرمن الاول و بدون سبب
نقدر نقول انهم بيرجعوا لطبعهم بشكل تلقائي بعد تخطي الأزمة
عشان كده مش لازم تخدعنا المظاهر
مش كل اللي قال انا اتعلمت يبقى اتعلم
مش كل اللي اتغير للأهدى والألطف بعد فترة قصيرة من درس صعب يبقى اتغير فعلاً !!
باختصار الأيام مقياس جيد لإثبات دوام الحال..
الناس اللي البلاء بيغيرها للأحسن فعلياً مبيحاولوش يلفتوا النظر لتغييرهم أو هدوئهم الزيادة أو لطفهم!!
هتلاقي التغير ده بيبان من غير مظاهر أو لفت نظر
لانهم بياخدوا من ازماتهم سبب بيقوم فيه سلوك كان ناقصهم!!
بقدم كل احترام للناس
اللي كل ما تقع في مصيبة
تخرج منها مولودة من جديد ..
#monaelokda منى العقدة