تاني فيلم "الباب المفتوح" ... سامحوني بقي لأن الفيلم دا بحبه جدا ... :)
ليه ليلي رفضت مشاعر حسين ... ليه رفضته هو شخصيا ... رغم ان مشاعرها هي كمان كانت بتميل اليه جدا ... ليه وافقت علي استاذها ف الجامعة رغم جفاءه معاها في مقابل حسين و احتواءه الكبير لها ...
المشهد دا كان بعد ما عرفت ان ابن خالتها و دا اول واحد بادلها المشاعر ... عرفت انه مصاحب الخدامة ... في صدمة كبيرة و عدم استيعاب ... خرجت من البيت ... و هي علي السلم كان مشهد نزول الاسانسير لاسفل و هي تبص من بير السلم ... في اللحظة دي كان ايمانها بالمشاعر بيسقط ... ثقتها ف المشاعر بتسقط ... نزول الاسانسير بيمثل سقوط الثقة و الامان ف الحب ... عشان كده قاومت و رفضت مشاعر حسين و لما اختارت اختارت من هو بعيد تماما عن المشاعر حتي لا تقع و تسقط كسقوط الاسانسير لاسفل ...