الصراع

نفسى مرة أحط قواعد و أمشى عليها
مش كل مرة تطلع فى دماغى فكرة ، أجرى عليها

انا بس بأقول كدة علشان دماغى وجعانى النهردة
من مليون فكرة مجنونة عايزة أعملها النهردة

ياسلام لو الواحد ما شغلش دماغة
و مشى على قواعد ثابته و ريح دماغة

ساعتها صحيح مش هيعمل حاجة فى حياته
بس على الأقل يبقى ريح شويه فى حياته

و ساعات أحس أن القواعد مش علشان نلتزم بيها على طول
و دماغى ترجع توجعنى و أنفذ اللى تقولهولى على طول

فتلاقينى عشت أحلى مغامرة و إحساس خطير
رغم أنه إختيار صعب و موقف خطير

بس الواحد مش هيعيش حياته مرتين
و الفرص ما بتجيش للواحد مرتين

لكن للأسف أرجع تانى احن لإحساس الملل
و أقول تعيش القواعد و يعيش الملل

و يبدأ الصرع الجوانى من تانى
أعيش حياتى و لا أموت من تانى ؟؟

:)