بقول يا ربّ وأعدّي
الصعب بيها بيعدّي
ويا دُّنيا مانتيش قدّي
مهما تشيلي وتحُطّي
تبني ولّا تهدّي
مانتيش قدّ صبري
دا القلب بيه عمران
والعقل بيه شبعان
حسبة للرحمٰن
لاجله المرار يحلى
وبكرا تروق وتحلى
يا دُّنيا سمعاني
مالكيش كلام تاني
دا الصبر خلّاني
جبل وإيه تاني
يقدر على اللي
حُبّ ربّه مخلّي
قلبه حلو وطيّب
بلسانه بيطيّب
خاطر ولا اتنين
جاب الحنان دا منين
من حُبّ ربّه يا دُّنيا
حلوة لكنّك فانية
بقول يا ربّ وأعدّي
الصعب بيها بيعدّي
لقلبي دايمًا بهدي
دعوة بإنّ رَبّي
يراضيني وينوّر دربي.