فَلَمَّا نَسُواْ مَا ذُكِّرُواْ بِهِۦ فَتَحْنَا عَلَيْهِمْ أَبْوَٰبَ كُلِّ شَىْءٍ حَتَّىٰٓ إِذَا فَرِحُواْ بِمَآ أُوتُوٓاْ أَخَذْنَٰهُم بَغْتَةً فَإِذَا هُم مُّبْلِسُونَ
الاية دي مرعبة جدا بالنسبالي...
تخيل لما يكون عقاب ربنا ليك بالنعم وامتحانه واختباره ليك بالمنح ؟
يعني انت ممكن تغرق في نعم وانت بتبعد عنه علشان يغرك بالدنيا ويخليك تفتكر انك ماشي صح علشان يزود عقابك ومرارة الدرس اللي هتاخده؟
مستوعب انه ممكن يخليك اقوي انجح اغني اشطر ويبعتلك اللي يصقفلك ويتنطط حواليك لانك عنيد مش لانك صح ..لانه بعتلك كل الرسايل والعلامات وانت استكبرت او استهونت او مكنتش فاضي كفاية علشان تقعد مع نفسك تفكر..متخيل انه يديلك كل اللي بتجري وراه واكتر وانت ناسيه علشان تنساه اكتر ؟
انت ممكن تكون فاكر ربنا بكل العبادات صيام صلاة صوم زكاة..لكنه مش في قلبك ولا في روحك ودي اسوا ضلمة ممكن تغرق فيها..
#اشارة