"وإنْ كانَ قدرُنا أنّنا نجونا ، فإنّ الأثرَ لازالَ يُذكرُنا بِمَا مَـرَّ بنا"
الاقتباس ده فكرني بفيلم بحبه قوي لجون ترافولتا ونيكولاس كيج اسمه
Face off
جون كان قايم بدور ضابط شرطة وأب لطفل اسمه آدم تم اغتياله وهو في حضنه .
الرصاصة اللي تم اغتيال آدم بيها سابت اثر على الجلد جنب قلبه ، وهو أصر يفضل محتفظ بالاثر ده علشان يفكره بابنه _رغم مرارة الذكرى وصعوبتها _
وما طلبش يتخلص منها الا بعد ما ثأر لموت ابنه من المجرم اللي قتله وقدر يتعافى .
الخلاصة :
احيانا التمسك بذكرى سيئة حصلت في الماضي القريب بيكون سببه رغبتنا في الاحتفاظ بذكرى حلوة كانت موجوده في الماضي البعيد ومش حابين ننسى احساسنا بيها وقتها كان ايه.