اسمعني ياعمي وطرطقلي ودانك
وجهز عودك وكمانك
واعزف على وجعي أجمل ألحانك
دى كانت لسه إمبارح بتقولى
أنا عندى إستعداد أخسر
كل الدنيا عشانك
وهفضل جنبك
وساعتي مش هتمشي
غير على توقيتك وأوانك
ومش هصحي إلا على صوتك
ومش هيجيلي نوم إلا على صوتك
حتى صلاتي مش هتكون غير على أدانك
وخطايا هتمشي على خطاك
وعايزة أعيش باقى حياتى معاك
أنا فى وجودك طفلة أو آلة
بتحركها بريموت وأنت
قاعد فى مكانك
حتى كلامى بقى شبه كلامك
وبموت فى عصبيتك وجنانك
وبقولها قدام كل الناس
انت حبيبى وروحي وعمري
وأنا اللى شقلبت كيانك
أنا حبيبتك وروحك وضمانك
وصدقني مش هتلاقي
مع واحدة غيرى أمانك
أنا الفرحة اللى هتنسيك أحزانك
وأنا اللى هتحلي أيامك وزمانك
اسمعني ياعمي وطرطقلي ودانك
وجهز عودك وكمانك
واعزف على وجعي أجمل ألحانك
دى كانت لسه إمبارح
بتقولى أنا عندي إستعداد
أخسر كل الدنيا عشانك