بحب اشارك الناس في قراراتي
فتلاقيني و انا نازلة بسأل السايس البانيه هيبوظ في العربية على ما آجي وللا لأ ؟ قاللي لأ و لما رجعت قاللي اتطمني البانيه بخير
و تلاقيني اسأل البياع في المحل أجيب البلوزة دي وللا اللي عندي في البيت كفاية ؟
هو لا عارف اللي عندي في البيت ولا عارف انا عايزة دي ليه بس بيكمل معايا الموضوع و يقوللي بصي هي كده كده دي مهمة و هتليق على كل حاجة و عشان يبان مبيضحكش عليا يسألني شوية اسألة عن اللي عندي لي البيت و بعدين يغير تفكيري لحاجة رابعة خالص
ممكن مشتريش حاجة بس ببقى مبسوطة ان حد شاركني أي قرار في أي اتجاه
تلاقي بردو حد من اهلي يقولي بكره تشوفي العيال هيعملوا فيكي ايه … فاسألهم أتفادى ده ازاي ؟
هما لو كانوا عرفوا يتفادوه كانوا عملوا كده بس آهو من باب الأي كلام يعني و ادينا بنلاغي بعض ???? ❤️