بهت تماما عندما وجدت هذا الشخص امام باب شقتي وعلي شفتيه هذه الابتسامه الصفراء وعيناه تلمعان لمعه النصر فاستدرت لامي والتي كانت تقف. خلفي واحتضتها والتي همست في اذني اثناء احتضانها ده جه امبارح وانت بره وسال عليك بس انا نسيت اقولك هو فيه حاجه ياابني... ؟ فرددت عليها لا ياامي مافيش حاجه وقبلتها وغادرت الشقه واغلقت الباب خلفي ودفعته بالشنطه التي في يدي للنزول امامي علي سلم العماره والغريب انه تلقي هذه الدفعه بأ بتسامه ونزع الشنطه من يدي وحملها ونزل امامي ثم مشيت معه حتي وصلت الي ناصيه الشارع والتي كانت قريبه منا ثم وقفت ودار هذا الحوار.......
انا: انت بني ادم ماعندكش دم ....هو انت ماقدرتش تفهم اني مش عايز اصاحبك
هو: علي فكره انتم ناس مابتعرفوش تكذبوا ولما تكذبوا بيقي كذبكم مفضوح....انت اول ماقلتلي انك محاسب عرفت علي طول انك بتكذب مانا قلت ليك ان الوظيفه بتبصم علي صاحبها عموما انا مش زعلان منك بس لازم تعرف اني اذكي منك...
انا: طيب برافو عليك انت عايز مني ايه....؟ والمطارده اللي انت بتطاردني بيها دي هدفها ايه..؟
هو: ولا حاجه انا عايز ابقي صاحبك ....هو حرام يبقي ليا صاحب ضابط في الجيش..!!!!!...ده انا كان نفسي اطلع ضابط زيك وقدمت في الكليه الحربيه 3 مرات وعديت من كل الكشوف ولكن في كشف الهيئه مارضيوش بيا....الحمد لله انا كده كويس دخلت كليه التجاره ولما اتخرجت اشتغلت في الاداره الماليه لمصنع 54 الحربي
قال هذا الكلام ولمحت دمعتان في عيناه تريدان النزول ولكنه يمنعهما........فرق قلبي الي حد ما ..!!
انا: طيب كويس ان شاء الله اشوفك الاجازه الجايه
هو: امتي....!!!!!
انا: ماعرفش بس ممكن تديني تليفونك واول ماانزل هاتصل بيك
هو: اخرج ورقه من جيبه وكتب رقم تليفونه وعنوانه في المعادي وناولها لي فاخذتها منه ووضعتها في جيبي
انا: هات الشنطه لاني تاخرت ولازم امشي دلوقتي علشان الحق القطار.......ثم اشرت الي تاكسي يمر امامي فوقف
هو: لا لازم اوصلك
وامام الحاحه ركبت التاكسي وركب بجواري وامرت السائق ان يسرع الي محطه رمسيس وعندما وصلنا حاولت اخذ الشنطه منه الا انه اصر علي حملها حتي ركوبي للقطار فتوجهت الي رصيف القطار الحربي( كانت الاوامر لدينا ان نستقل القطار الحربي وليس اي مواصله اخري) ..
المهم لم اجد القطار علي الرصيف فسألت فرد الشرطه العسكريه فابلغني بان القطار لديه 15 دقيقه حتي يصل فتوجهت الي كافيتريا المحطه وكل هذا وهو يمشي بجواري حاملا شنطتي وجلسنا وطلبت 2 شاي ثم فوجئت به يسألني انت في الفرقه 2 ولا في الفرقه 18 المشاه....؟؟؟؟
كان هذا السؤال هو النقطه الفارقه بداخلي فلقد صدقت دموعه ولكن هذا السؤال افاقني علي انه شخص غير عادي وان وراءه شيئ خطير وبدون ان اشعره بانني فوجئت بسؤاله رددت عليه بانني في الفرقه الثانيه المشاه فاجاب بعد برهه من الوقت الفرقه الثانيه ماسكه من نمره 6 الي جزيره البلاح فلم ارد عليه وهنا نادي ميكروفون المحطه علي ركاب القطار الحربي فتوجهت الي رصيف القطار وتناولت منه الشنطه وركبت القطار وظل هو واقفا حتي تحركنا...........انتظروني بتوتر وشغف
المجد لجيش مصر...وتحيا مصر الوطن...