عام 2122
99.9999% من سكان الكوكب مش هيكون موجود من الاساس .. هيكون فيه ناس تانيه خالص احنا بالنسبالهم مجرد ولا حاجه حرفيا .. وبالكتير مجرد اسم او لقب في بطاقة احدهم !! .. يعني اي احلام او طموح او الم او جبروت او سلطه او عنتظة فارغه او اي بتنجان موجود حاليا عباره عن سراب حرفيا ..
وجودك الحالي عباره عن مجرد كوبري لنقل الجينات لجيل اخر والهدف الحفاظ على النوع .. واثناء حياتك البيولوجيه انت بس بتختار تكون كوبري شكله حلو كده وابن ناس ولا كوبري على قده او كوبري مصدي وحالته بائسه .. وفي النهايه كافة الانواع ليها تاريخ صلاحيه مهما كانت مصنوعه من اعتى المكونات ..
من الاخر .. اعرف مكانك منك ليه .. انت ولا حاجه
-------------------
تنويه هام لاصحاب العقول اللى راكبه شمال .. هذا البوست يتحدث عن الوجود البيولوجي فقط لاغير وليس لمناقشة اي جوانب متعلقه بالمفاهيم الدينيه او العقائديه لاسباب وجود البشر في الحياه حتى ينتقص منها او يتعارض معها .