أنت اللي ناري يا وله أنت اللي ناري
ولا أنت داري يا وله ولا أنت داري
ولا أنت فاهم غنوتي وضحكة هزاري
وإن عيونك حصتي فـ هوا العصاري
ماشية علىٰ جمر الهوى وأنت اللي قايده
وأنت كأنك مش هنا ولا أنت رايده
ويزيد عليا بالقوي وأنت اللي زايده
اه من عيونك والهوىٰ واه من عوايده
إفهم كسوفي وقصتي بتبان عليا
لمَّا تسرسب كلها من بين عنيا
حتىٰ سلامي بيختصر كل اللي بيا
لما تسلِّم تفهمه من فوق إيديا
بعيد عليا البرتقان ومسيري أطوله
ولا حد غيري يقطفه ولا سايبَهوله
لما يكون فيه العسل عايش بطوله
البحر لو بحرين خطر هعديهوله