غمزة من هبة :
---
النهاردة أول مرة من ساعة مابقيت لوحدي ، أتعامل مع صرصار !!
كنت باصرخ وانادي على ماما ، أياً كان المكان اللي باكون فيه وقتها
وهي تتعامل بأة ..
طيب إيه اللي حصل النهاردة ؟
أول ماشفته اتخضيت ، برغم إن حجمه كان صغير .
ماهو شكله مرعب برضو
مسكت نفسي وقلت لاء ماهو لازم تتصرفي ، لأن لو هرب مش هاتعرفي تعيشي .
ف حسسته بالخطر عشان يجري ف حتة اقدر اطوله فيها ..
فماحصلش ، جري وزنق نفسه ف زاوية صعبة ..
فقلت يابت ادلقي عليه مية عشان تدوخي أمه وفعلا .. داخ ونزللي عالارض ف حالة صدمة ..
وهووووب طاااخ .. نزلت عليه بالكروكس وقتلته بمنتهى الفزع تقولوش ديناصور ! 😎
لاء وجبت مناديل ولميت أشلاؤه وعالباسكت عدل ..
كل دة و قطي " عسل " بيراقب من بعيد وولا عمل حاجة !
بس حسيت إن دة كان في مصلحتي
الغمزة هنا :
عمرك ماهاتفهم يعني إيه مكسب وخسارة ،
إلا لو نزلت الملعب