أنا قلبی لولا ذنوب
يكون أوسع
يساع الكون و لو فـِ سجود
و رب الكون يكون أوسع
فَـ لو راح اكون
بغير الخِلقة أكون سجدة
ترفع روح تطببها من الهلكة
و ترويها من المنبع
جناح السجدة مش مكتوف
يطوف بالروح إلی الكعبة
و رب الكعبة
و لا تشبع
فَـ لولا ذنوب
يارب أتوب
و لو مكتوب أنا أخضع
بتجری الدنيا و بتسبق
تهدّ القلب لو ليها فِـ يوم رقّ
و تنبح حسّه تحشّه و تسرق
دواير الدنيا كـ المصنع
بتدخل خام و تتعالج
منِ الأوهام بضرب الشوم
و فيه اللی تزقه "اصحی" فـ يقوم
و يدوم قلبه علی المبدأ
أنا قلبی لولا ذنوب
يساع الكون
و لو فـ سجود يكون أوسع
أنا قلبی لولا ذنوب
- 🔻
-
- بقلم: مصطفى فوزي أحمد علي
- ◀️: الأعمال الموثقة
- الزيارات: 326
- رقم التوثيق: 12941