إتهمني بعض الأحبة في المملكة التاميكوميه ، بما هو ليس فيه ، و أني من أهل الكرم ،
مخالفاً لجماعتي في المنوفية ، فقررت الدفاع عن صفاتي الأصلية ، و الحفاظ على جنسيتي المنوفية ، مهما كانت التضحية .
أنا منوفي يا أصحابي في التاميكومية
معقول يا جماعة تصدقوا عني الحكايات ديه
و إني لما أقابل واحد أو أزوره أجيب له هدية
و أعزمة على الغذاء و أقول له كُل لقمة هنيه
يا جماعة ... ياجماعة... دي عزومة مراكبية
و انا في عرض البحر و الضيــف بينادي عليـه
أقول له : هات الغموس و العيش من عندي هدية
و لو ضيف هجم عليا و إفتكر إن أنا من الشرقية
آخده على المطعم أبوباب من الجنوب و باب من الجهة الشمالية
و أطلب الطلب و أعمل حسابي و أزود له في الشوربة والملوخية
و قبل ما يخلص أغمز للجرسون و أخرج من باب الجهة الشمالية
و يرجع الجرسون للضيف يقول له يا تدفع الفاتورة يا تقلع البدلة دية
و يقول الضيف : يا متر عيب أمشي بالأندر وير دا أنا من الإسكندرية
يقوله المتر : معلهش تعيش و تأخد غيرها و أن من عندي هسلفك جلابية
يا جماعة لو حد فكر يزورني و طمع فيا بسرعة هجري على بلدي المنوفية
و أستريح و أضحك و أنام مطمئن ما أنا كده بقيت في أمان في المحمية
و أعد فلوسي و أحافظ عليها دا أنا عندي عملة من أيام الدولة العثمانية
يا جماعة ليه فاكرين إني مجنون و لا خريج مستشفى العباسية
صحيح أنا ساكن قرب الخانكة بس بعيد شوية
دا أنا طموحي أكون رئيس جمهورية
و أكيد أكيد هفوز بالتزكية
ما أنا أصل بلدي المنوفية
و اسألوا عني الجيش و العسكرية
يا جماعة خلوا الطابق مستور و الأسرار مستخبية
ملاحظة :
العنصرية دعوة إستعمارية
و العصبية دعوة جاهليــــة
تحياتي لكم جميعاً
مهندس / نبيل محمدي