انا اول بيت دخلته
ابويا هو اللى فتح بابه
و هو اللى حسب حسابه
لا قال لى ها اعمل ايه جواه
و لا وعانى على رياحه و هواه
ثم ......
جاءت امى
بصت للبيت بنظارة ماضيها
شافت ابويا فى مراية التسريحه
و سمعته و هو بيرمى عليها الطلاق
فطقت البيت فى جنابه
فتهد السقف و انا تايهه و سرحانه
لا عارفة ايه اللى جابني هنا ؟
و لا ايه اللى خرجنى ؟
و فين كارايس الكمياء بتاعتى ؟
و كتاب اللوغاريتمات ؟؟
و مين اللى قطع رواية الإنجليزى .....
بتاعت ثالتة ثانوى ؟
و الولد ابو عيون ملونة
اللى وشه شبه القمر ....
اللى بيعشقنى و انا عشقاه
بطل يجى لى على محطة كبرى الجامعة ؟!
بعد ما بيرن جرس المدرسة !!!