نعيش شوية مع الشعر
انا اتهـــــــد؟!!!
هو انت بتتكلم جــــــــد
هو انا لو من حبي بعاتبـــــــك
اتعامل بالسيف و الحــــــــد
تجرحني بافعالك و اسكـــــت
لكن جرح كلامك ليا
صدقني اصعب و اشــــــد
اذا كان الحب كدة في نظرك
صد و اهمال ويا تجاهل ..
و معاملة بدون ذرة ود
بعد و نسيان قتل مشاعر .
غطى و فاق و الله الحـــــد
لو بديك بسخاء و تفاني ...
يتقابل بفتــــــور و نكـــــد
و حوار من غير كلمه مفاده : ...
"ولا تسوي في عيني أصغر حد
انا فعلا هدتنـــي الكلمة
و انت بكل برود و بساطة ..
بتقولي ده هزار مش جــــد
حتى في عز كلامي الحالي..
حاساك بتقولي اني اتهـــــد
مع انك انت اللي قايلي
دايما لازم اخــــــــد و رد
و بلاش تاني نعيد الماضي
وحلفنا واخدنا العهـــــــد
لكن برضه مصمم انك..
هتوصلنا لطريق ســــــد
هصبر انا طبعا و استنى
و اكون دايما اد الوعد
و انت يا ريتك برضه ما تنسى
وعدك ليا نفس الوعد
هفضل ادعي انا واتمنى
نفضل سوا ويغور البعد