احنا الأمهات عموماً اللايف ستايل بتاعنا معظمه مفيهوش راجل سينجل بقى وللا متجوزه صدقيني مبتفرقش !
… بنسمع عنهم بس و احتمال تشوفيه على مدار اليوم مرة كده بالصدفة و احتمال في الويك اند بس و احتمال شهر في السنة
طول ما هو في الشغل انتي يا في شغل يا مع نفسك
في النادي و التمرينات مع نفسك
في المولات و الماركت مع نفسك
في العربية و المشاوير كل واحد مع نفسه عشان مش كل المشاوير بيكون فاضي يعملها معاكي
في المطبخ و المذاكرة مع نفسك بردو قلما يكون ايده بايدك بشكل يومي … النهاردة قادر بكرة مشغول او مش قادر
ده انتي اوقات بتعملي مشاوير ليه هو شخصياً عشان مواعيد العمل بتاعته و اجازاته خلصانه او لأنه مسافر و انتي اللي بتخلصي الورق هنا و غيره و غيره و غيره
الفرق كله ان المتجوزة دي يومها كله متأثر بيه رغم عدم التواجد بتاعه
و السينجل يومها مش متأثر بحاجة ولا ب حد.