الناس حواديت
وعيون مليانه كلام وحديت
وانا وانت اتنين مالهمش اصحاب
انا شيبه ف شعر وشق ف حيط
وانت الالوان ف حيطان البيت
الناس حواديت
وانا قلب عبيط
دايما يتعلق بالاوهام
قصاقيص وبيحلم تبقى حياة
وبقايا الناس وجروح بتزيد
الناس حواديت
والطفل عنيد
بيغمض عينه مايحلمشي
بيغمض ويخاف ف بيمشي
ويفتّح يسهر مينامشي
الناس حواديت
وانا فيهم اكبر حدوتة
حبيت وهربت ماكملتش
حبيت وواجهت ومهربتش
ف الاخر برضو فضلت وحيد
الناس حواديت
هتعيش ازاي من غير روحك
وهيفرق ايه عن اي طريق
انت اللي اخترت وخيرته
فاختارك انت ف وقت الضيق