كان نفسه يكون مسئول ورديه
لكن خايف موت من المسئوليه
عاوز يتحكم ويشبع الانانيه
ويصفى حسابات مع الناس اللى هى ...
زى نبات اللبلاب
بيطلع على أكتاف غيره
يضرب جدره فى الأرض
ويمص من ... خيره
يعلى ويكبر وينزل على مفيش
تلاقيه عامل زى الهامووش
شوية حيل على تظاهر بالولاء
شويتين مكر .. على تلاته دهاء
صاحبنا عرف طريق الوصول
لا عارف يدير
بالقانون ولا بالأصول
لو عاوز فى يوم تكون مسئول
تروح الشغل دايما على طول
مينفعش تكون أبدأ مشغول
قلبك يكون خالى من الغلول
مفيش حد له عندك ميول
أوعى تصدق الهيصة ودقات الطبول
كلها أوهام وسراب وأحلام بتزول
دماغك تكون فلتر للكلام اللامعقول
وقت الشدة تكون إنسان عدول
وقت المرح يكون كلامك معقول
المشاكل يكون عندك لها حلول
تقول إحنا عملنا
لكن مش أنت اللى تقول
أتنين عمرهم ما يتعلموا
المتكبر ....... والخجول .