زمان كنت أتعاطف مع الحد الحمول اللي بيسكت مبيعبرش عن تعبه و ارهاقه و حزنه و زعله و بيفضل يشيل يشيل و محدش حاسس بيه يا عيني
لحد ما بتعامل معاهم فألاقيهم بردو حمولين ما شاء الله و بيستكوا و مبيعبروش بردو عن احتياجهم و حبهم و احترامهم و رغبتهم و انبساطهم و تقديرهم و فرحتهم
و بعرف ساعتها ليه هما يستاهلوا ان فعلاً محدش يحس بيهم
——————-
عشان انت لما بتحس بناس مبتعبرش عن إحساسها بيعتمدوا على انك حاسس بيهم بقى و كده فا مش ضروري يحصل التعبير
و لما تواجههم باللي انت حاسس بيه …
أوقات هيأمنوا عليه بفرحة و راحة … في حالة لو عايزينك تعرف الشعور و كان نفسهم حد يعبر عنه
و أوقات هيطلعوك مجنون و بيتهيألك … في حالة لو مش عايزينك تعرف او مش عايزين يتحملوا مسؤولية الشعور ده
——————
في العموم لو معندكش مهارة التعبير عن مشاعرك
أو لو مبتحبش حد يعرف عن مشاعرك و حقيقتها
أو لو بتخاف من المشاعر في العموم،
أو لو بتخاف ع الناس في حياتك أكتر من مشاعرك
أو لو بتخاف على مشاعرك أكتر من الناس في حياتك
متدخلش علاقات ببساطة !
تاعب نفسك ليه و تاعب الناس معاك يعني ؟