انا عايزه حكم حضراتكم
مش حكمي انا.......
لما تلاقي واحد ناوي يسافر
بيحضر خريطة طريقه
و بيستعين بخبير اجنبي كمان
و للأحتياط بيطلب منه طريق غير مباشر لتمويه اعدائه
و بيمحي أي أثار تدل على سيره
و بيتفق مع واحده ماحدش يشك فيها انها تجيبله طعامه كل فتره
وحتى وسيلة مواصلاته بيخفيها علشان ماتدلش عليه
هل كل ده أخذ بالأسباب و الحيطه
و لا لأ ؟؟
بالرغم انه كان أولى واحد يتواكل على الله سبحانه و تعالى
فهو خاتم رسله و انبيائه
لكنه حتى فراشه
ساب واحد يعمل انه نايم فيه
يعني ما سابش ثغره ينفذ منها اعداؤه
لما نلاقي كل ده
يبقى ديننا دين الأخذ بالأسباب
و لا دين التواكل ؟؟
قولولي حضراتكم
يمكن انا لا اترجم صح!!!!!!!
ناس بقى
تسيب كل التخطيط و التنظيم ده
و تقولك زي الجاهليه
ما قبل الاسلام
للبيت ......رب يحميه !!!!
الإيمان
والأخذ #بالاسباب
ثم التوكل على الله
هو الإسلام
اما الايمان و التواكل و الكسل فهو الجاهليه بعينها
و لا انا غلطانه ؟؟؟
عندما فشلت الأسباب
إيمانه بالله جابله معجزة الخالق
فتكونت خيوط العنكبوت و عششت الطيور
عندما لا تنجح اسباب المؤمن
يرزقه رب الأسباب سبحانه و تعالى
مكافأة له
هذه من دروس رحلة الهجره
بتعلمنا نذاكر و نعتمد على الله
" لا تحزن
إن الله معنا"سورة التوبه