معظم مشاكل التربية بتكون من تدخلنا و اصرارنا على تغيير الفطرة
يعني افتكر في فترة معينة كان كل شوية حد يطلب من ليندا تعمل حاجة لأحمد … في مرة جت اشتكت لي
هو ليه بيطلبوا مني أعمل له ! و مبيطلبوش منه يعمل لي
قولتلها لما حد يطلب منك كده ارفضي
بعدها بدأت ألاحظ ان هي أصلاً بتحب تعمل له كل حاجة من نفسها لدرجة اوقات كنت انا اللي بوقفها عشان يعتمد على نفسه و يتعلم اللي هي اتعلمته
مع مرور الوقت بقى لكل واحد فيهم اهتمامات مختلفة و اهتمامات مشتركة
من الاهتمامات المختلفة دي دخول ليندا المطبخ و يااااااه لو أحمد أكل من أكلها و اتبسط بتكون في قمة فرحتها ❤️
هي في الأول مكانتش طالبة مساواه … هي طالبة حرية
سيبوني و انا هأعمل حجات حلوة من نفسي محدش يجبرني.