العلاقات مش استغماية

غمزة من هبة ????

اللي كان بيضايقني زمان ، باضحك منه النهاردة .

اللي كان بيستفزني زمان ، راحت عليه .

اللي كنت باحلم بيه زمان ، ممكن النهاردة يبقى كابوس .

اللي كان فارق معايا زمان ، مابقاش يهمني دلوقتي .

اللي كنت اتمنى يبقى سندي وابقى سنده ، سبته للي يسنده ، وسندت انا نفسي .

وطبطبت على نفسي .

وحبيت نفسي .

واللى مش فارق معاه وجودي ، عمري ماهحتاج له .

لو اتعودت على غيابك ، مش ممكن هارجع استناك تاني .. 

خلاص هتبقى عندي مجرد ضيف خفيف ، دقيقة وتمشي .

لو مش شاغلاك تفاصيلي ، يبقى انت بالنسبة لي مش موجود .

مكانتك عندي إنت اللي بتحددها ، مش مجهودي .

العلاقة الصحيحة - أي علاقة - هي ؛

دورك إيه ف حياتي .

ودوري إيه ف حياتك .

العلاقات مش استغماية . 

العلاقات " عطاء و أخذ ".

إحنا بنكبر ، و بنتغير / علشان بنتعلم الدرس . 

الغمزة هنا ????

اللي شايفك مجرد كومبارس ، إوعى تخليه بطل قصتك . 

بقلمي Hebba El Mofty