من النضج احترام رغبة الإنسان اللي بتحبه بإنه مش عايز يكمل معاك
= بالرغم من حبي له ؟
- بالرغم من حبك له
= طب ده انا أشتمه و ألقح عليه بانه مش حاسس بالنعمة و مقدرهاش بقى !
- ايه الاحترام في كده ؟
= انا احترم ليه حد غبي ! مقدرش حبي له و معرفش يستقبله ؟
- اولاً الانسان اللي بيحترم نفسه بيحترم الناس في العموم مبالك بحد بيحبه
ثانياً لو فاكر ان خسارة شخص زيك غباء … معلش يبقى انت الغبي !
الحب مش بالعافية و اعطاء المشاعر مش بالعافية و المشاعر المشروطة و المسمومة قلتها أحسن طبعاً
فمبروك عليه خسارتك عشان انت مش شخص ناضج
= عايزاني عشان ابقى ناضج اتقبل انه مش عايز مني حب ؟ و على كده بقى بيآخده من مين غيري ؟ يبقى حد كذا و كذا و كذا
- عارف المشاعر الحقيقية دي بتكون أغلي ما يملك إنسان لإنسان …
تخيل بتدي لحد اغلى ما تملك مرضيش يآخده !
مش طبيعي تغير على حجاتك و تحافظ عليها و تسيبها معاك ؟
انما مش هتروح توعيه و تأكدله قيمة شئ هو محسوش أساساً ! كده بترخص من بضاعتك !
فكك