= سامحنى بوست طويل=
طبقا لتقرير الاستثمار العالمي الصادر من منظمة الامم المتحدة ... عن الاستثمارات الاجنبية.
= مصر نقص بها حجم الاستثمار الاجنبي المباشر من ٨ مليار دولار سنة ٢٠١٨ الى ٥ مليار سنة ٢٠٢١ يعنى نزل النص فى اخر ٤ سنوات فقط !!!
= فى المقابل وفى نفس الفترة زاد الاستثمار الاجنبي المباشر فى الامارات من ١٠ الى ٢١ مليار دولار (تضاعف) وزاد فى السعودية من ٤ الى ١٩ مليار دولار (تضاعف ٥ مرات) .. الإمارات والسعودية اصبحتا جاذبتان للاستثمار الاجنبي عكس الفكرة القديمة انهم مستثمرين بالخارج فقط.
= طبعا زاد الاستثمار الاجنبي بصورة ضخمة جدا فى الامارات بمجرد اندلاع الحرب الروسية الاوكرانية حيث نزح ٤٠٠٠ مليونير روسي للامارات. (سيظهر ذلك فى إحصائيات ٢٠٢٢).
= السؤال الآن لماذا يذهب المستثمرون للامارات والسعودية ويهربون من مصر؟
= الامارات قدمت تسهيلات غير محدودة مثل الفيزا الذهبية وحق الاجانب فى تملك كامل المشاريع واعفاءات ضريبية وجمركية وانهاء كافة الاجراءات اليكترونيا .. الامارات وحدت بوابات كل الجهات الحكومية فى برنامج واحد UAE API وعملوا "الخدمات الاستباقية" يعنى قبل ميعاد تجديد رخصة المصنع بثلاث اشهر يبعت رسالة على موبيل المستثمر كل اللى عليه يدوس على "موافق" ويدفع الرسوم ويرفع الورق المطلوب فتتجدد الرخصة فورا. باختصار سهلوا الاستثمار وعملوا ده بتكلفة هايفة جدا .. مجرد تكلفة عمل برنامج "تطبيق" على الموبيل مش صرفوا مليارات فى مبانى ضخمة للوزارات فى الصحراء (كل العالم اتجه للحكومات الاليكترونية) !! فقدرت الامارات تضاعف الاستثمار الاجنبي فى ٤ سنين فقط.
= طب ازاى السعودية ضاعفت الاستثمار الاجنبي ٥ مرات فى ٤ سنين ؟!! .. شوفوا هى عملت نفس اللى الامارات عملته بالظبط ثم زودت حاجة تانية مهمة جدا .. قرروا تكون التعاقدات الحكومية مع فقط الشركات الاجنبية اللى ليها مقر إقليمي في السعودية من يناير ٢٠٢٤ .. فقامت اغلب الشركات العالمية بنقل مقراتها الاقليمية واستثماراتها للسعودية.
= القصة سهلة وبسيطة ... بس عاوزة شوية ادارة و ارادة ..
2
-2
