من الواقع و الحياة (3)

نحمد الرحمن عز و جل قبل البداية .. حبث امهلنا للجزء الثالث ....و امدنا بالعمر منه وحده ..... مازلنا بمدينة اسيوط العريقة .. الصعايدة العسل ... احد المراكز بالمدينة .. ضابط هو رئيس لى برتبة رائد انذاك .. مدرسة فى المحاضر و كيفية فحص البلاغات .. تعلمت منه الكثير.. و لا انكر فضله على نهائيا ..العبد لله داخل على جواز جديد .. و العروسة لسالها سنه فى الكلية ( التجارة ) و تخلص قلت ياواد هاتها معاك اسيوط .. و شوفلك شقة صغيرة كده على قدكم و تكمل عامها الاخير و هى بمنزلنا الصغير .. وافقت الاسرتان .. والدها رحمة الله عليه هو ووالدتها ايضا .. و الاسرة عندى .. و تم الزواج ( اجازة بالاسكندرية لمده خمسة ايام فقط ) .. اتوضبت شقة حجرة و صالة بمنطقة اسمها ( السادات )... قبل الطريق الدائرى لقرية درنكة .. المهم كانت دمها خفيف و ريحها حلو علينا .. و المذاكرة كانت تمام التمام و ايضا الزواج و الحمد لله .... المهم للضابط المذكور بعاليه ابن فى الثامنة من عمره .. فلقة قمر .. وجهه عليه حلاوة الملائكة .. حديثه يطاول به اعلى مراتب القلوب .. خفة دم ليس لها مثيل .. بالصف الثالث الابتدائى .. عائلته من عائلات اسيوط العريقة جدا .. و لهم اكثر من نشاط .. سياسى و اجتماعى و تجارى و مهنى و غيرها كثير ..اكثر من ذلك .. عند التقابل اسريا السيدات و الازواج بنادى الشرطة .. بجوار خزان اسيوط المائى و القناطر الاسيوطية هناك .. تتهافت السيدات ( و خصوصا المتزوجات حديثا بالدعابات مع بعضهن ( شوفى ابنى و اتوحمى عليه ) .. و الكلام على لسان والدته ... طبعا ابن حضر للدنيا بعد عناء عشرة سنوات بدون انجاب .. و علاجات طبية و سفر للخارج و غيرها كثير .. فكان فاكهة للجميع ....و جاءت اللحظة الحاسمة ..
مرضت زوجتى ( عروستى الجدبدة ).. قالى الباشا اعمل بطاقة تامين صحى .. احنا لينا بطاقة اسرية و .. روح اكشف و عالجها و اصرف دوائك مجانا لك و لها .. و انا اعرف طبيب قريبا لزوجتى .. يعمل هناك .. و اهى فرصة تجيب مستلزماتك الطبية شهريا مجانا .. ديتها جواب من المركز مختوم شهريا ... و على طول الدكتور يقرر ليك علاج شهرى ليك و للست حرمك .. و اللى تاخده من عينهم احسن منهم ..اهه الشهر ده هيه تعبانة تاخذ دواء .. و الشهر اللى جاى ... برفانات / امواس حلاقة / معجون اسنان ....
و اى مستلزمات للبيت من الصيدلية .. ده انا ماشى كده بقالى مدة و عال العال و تمام التمام .. و اهه اوفر للبيت ... ؟؟؟؟؟ و مرت الايام و شفيت زوجتى .. و سالت الوالد الفاضل / ابويا .. الكلام ده اعتقد انه غلط ايه رايك ؟؟؟ و قرر بدون تفكير .. طبعا غلط و الف مليون حصول على حق بدون وجه حق .. يعنى حرام 100% و انت حر عقلك فى راسك تعرف خلاصك.. فوجئنا بان فلقة القمر مريض .. ازاى ابن الباشا عيان .. و لازم الواجب يتعمل .. و فوجئنا ايضا انه تم حجزه بالمستشفى بالعناية المركزة .. ليه دا كله .. القمر ماله ؟؟ و تنامى الى سمعى بردهة عنبر العناية .. من احد الاطباء و لا انسى جملته الشهيرة ما زالت تطن حروف كلماته باذنى حتى اليوم ( معقولة ولد فى سنه الكبيرة دى حوالى التسعة سنوات و يصاب بمرض الجفاف ياربى ؟؟؟؟؟ ) ده الجفاف عمليا و علميا و فى العالم كله لا يصيب الاطفال نهائيا بعد سن الخامسة باى حال من الاحوال ....عشرة ايام معاناة للقمر .. نهاية المعاناة .. الوفاة .. لن يعوضه نهائيا و ابدا .. زوجته عولجت جراحيا بعد الولادة خطا مما نتج عنه استئصال الرحم .... ياه .. ياه ما الذى يحدث له و لاسرته ؟؟؟؟ نزلت بعد سمع خبر الوفاة للتوجه للعمل لابلاغ المأمور بالخبر و لاعداد ترتيبات جنازة القمر .. الذى غاب .. و تقع على راسى الطامة الكبرى .. مررت على الصيدلية التى كان يتعامل معها السيد الضابط ( صرف التامين و المستلزمات بدون وجه حق ) .. يقول الطبيب .. سمعتوا ابن (...... ) باشا مات انهاردة فى العناية و تصوروا جاله جفاف .. من الافتراء بتاعه .. كل شهر صرف بلاوى من الصيدلية و يقولنا ده الولد جاله كذا و جاله كذا و امه جالها كذا و انا عندى كذا و اخر مرة من اسبوعين بيضحك علينا و يقولنا .. الولد جاله جفاف ..... يا الله ... يا الله .. العادل الذى لا ينام .. الحق ... القوى ... العزيز ... الجبار ... الرحمن الرحيم ......................
الذى لم اذكره باول الامر ان السيد الضابط المذكور مستريح ماديا جدا .. لان اسرته عريقة و من اثرياء مدينه اسيوط و ضواحيها المختلفة ..... الامر حدث عام 1982 ........ و من يومها و اشهد الله اننى استخدمت بطاقة التامين الصحى خاصتى ثلاثة مرات فقط و حتى عام 2002 .. حيث تقرر للسادة الضباط ( من مستشفى الشرطة فقط ) اذا احتاجوا اى ادوية يقوم جهاز الخدمات الطبية بصرفه .... واقع اليم لاب مكلوم و ام ثكلى و السيد الضابط حصل على رتبة اللواء العام قبل الماضى و تقاعد من الخدمة .. و توفيت زوجته قبلها بعامين .... و ليس له سند او وريث او مساعد له على تخطى عقبات و عثرات الزمان ....
اللهم انت الواحد الاحد .. اللهم انت الفرد الصمد ... اعزنا بالقناعة و لا تسلط علينا شياطين الطمع و الا ستغلال .. اللهم امين امين امين ....
و خير الختام ذكر النبى عليه الصلاة و السلام ******