الحق شوفت الشعرواي الوحش قال إيه.

خير قال إيه ؟

قال للست أسكتي أسكتي اتنيلي اتنيلي بقه ما بعد ما اتعريت على جوزك وانكشفت عليه جايه تقولي ضربني ؟!؟

شوفت الشعرواي الوحش بيحرض على ضرب الستات وإهانتهم ؟

يا بنتي الشعرواي عمره ما حرض على ضرب الستات ولا قصد يهين الستات ؟الشعرواي كان عنده بنتين متجوزين فهل كان بيحرض على ضرب بناته ؟!

الشعرواي أساليبه في الكلام بتختلف باختلاف المواقف وكلنا كده !

أولا لغة الشعرواي هنا لغة ريفية أبوية ماهو مش هيقول اتنيلي واسكتي إلا لوحده بيعاملها معالمة الأب وشايفها في لحظة ثورة وغضب وانفعال وهتهد بيتها وهتتطلق عاوزه يقول لها إيه ؟!

ضربك يلعن أبوه ابن كلب لا لا لازم تطلقي!!

هو كد يعني يبقى حلو وكويس ومش بيهين المرأة

الرجل بيحاول أولا يصلح وبيحاول يذكرها بأن ده جوزها اللي اكشفت عليه والست اصلا مش كل شوية هتطلق وتتكشف على راجل جديد الست نفسها متحبش كده!

ودليل كلامي إن الشيخ في لقاءات اخرى متعددة

ومواقف بقه بعيده عن الموقف اللي فات هاجم الراجل وقال نصا "الراجل المتعنطز بذكوريته وعاوز يعمل سي السيد على مراته باسم القوامة وعاوز يتسلط ويتحكم فيها والقوامة تعني إن الرجل خادم لزوجته يجي من الشغل يخلع الهدوم ويدخل المطبخ يساعد مراته ويعمل مثلا السلطة" هل ده واحد بيحرض الزوج على ضرب الزوجة ؟!! هل ده واحد بيهين المرأة ؟!

سبحانك هذا بهتان عظيم.