شيء فظيع

إن الأمان في لحظة واحدة يختفي
تلقى نور الأمل جوه عيونك ينطفي
وتعيش غريب...
تمشي وحيد في سكتك
من غير حبيب من غير طبيب
يداوي جرح غربتك
اللي انكسي أوهام وزيف
وتصبح وسط ناسك ..ضيف
وتلاقي القلب انكسر
و العمر وياه اتحسر
وبر الأمان أصبح سراب
ريحة الخراب مالية تجاويف قصتك
تخاف تعيش ...تخاف تموت
تخاف تصرخ بأعلى صوت
تخاف ....تخاف !!!
وأخرتك جتة في حفرة مضلمة
تلقي نفسك فيها برضك ....غريب .

رانيا ثروت