تعرفوا :
أن فى حماة معاها مفتاح شقه ابنها وتدخل عليه هو ومراته وش الفجر علشان تثبت فقط لمرات ابنها أن الشقه شقتها ..
تعرفوا :
أن فى حما بتغير من مكالمه طبيعيه من ابنها للبنت الى بيحبها وتفضل تنخور وراه لحد ماتخرب العلاقه بينهم
تعرفوا :
أن فى عريس حجز لوالدته اوده جنب حجرته هو وعروسته ف الفندق ليله الزفاف علشان أمه متضايقش !
تعرفوا :
أن فى حما بتقولها صريحه لمرات ابنها " اوعى تكونى فاكره انك هتاخديه منى " !
تعرفوا :
أن فى حموات متجوزه ابنها نفسيا ..وبتعمل كللللل حاجه بوعى وبدون وعى علشان تخرب جوازه ابنها
تعرفوا :
أن فى حموات بتعامل ابنها على أنه جوزها ! وتحشر مناخيرها فى كل صغيره قبل كبيره وابنها كأنه لسه طفل لابس بامبرز .. مش عارف ياخد اى قرار فى حياته حتى ف علاقته بزوجته !
تعرفوا :
أن فى حما كانت تقول لمرات ابنها ؛ بقولك ايه لازم تحكيلى كل حاجه احنا مثلث ياحبيبتى مفيش حرف يتقال لجوزك قبل ماترجعيلى !
الراجل ابن امه وجوز امه ده مابيكونش راجل ده بيكون اسمه ونوعه ذكر لكن مقطوع منه سلوك الرجوله تماما
انك تكون ذكر مالوش ااى علاقه بانك تكون راجل
راجل دى كلمه كبيره اوى ماتتقالش الا لأصحاب النخوه والمروؤه أما ذكورتك فده نوعك بيولوجيا فقط مش اكتر
كتاب #ذكر_شرقى_منقرض
للدكتور محمد طه
10