طريقة عمل كيكة البراونيز

* وصفة البراونيز* 

المقادير :

١ كوب طحين

١/٤ كوب كاكاو خام (مش شراب الكاكاو)

٢ ملعقة صغيرة بيكنج باودر

١/٤ ملعقة صغيرة ملح

٣٠٠ غرام شوكولا سادة

١/٢ ملعقة صغيرة قرفة (حسب الرغبة )

كوب ونصف سكر

١٧٠ غم زبدة 

٤ حبات بيض كبيرة

٢ ملعقة كبيرة نسكافيه(حسب الرغبة )

١ ملعقة صغيرة فانيليا(يفضل سائلة)

الطريقة :

منحمي الفرن على درجة حرارة ١٨٠

منبطن قالب قياس ١٣ × ٩ انش (٢٣ × ٣٣ سم ) بورق الزبدة

بجاط زجاج على حمام مائي (bain marie) منحط السكر الشوكولا والزبدة ومننتظر تيذوبو كل شوي منحركن لنتأكد   انو صارو مزيج واحد

مننخل كل المواد الجافة مع بعض (الطحين ، الكاكاو ، البيكنج باودر ، الملح ، والقرفة بحال استعملتوها ) ومنحطن عجنب

منخفق البيض مع الفانيليا  لحد ما يمتزجوا منيح ومنضيف علين خليط (الشوكولا ، الزبدة والسكر) ومنكمل خفق ، منرجع منضيف المواد الجافة ( بهلمرحلة منضيف النسكافيه إذا بدنا ) ومنخفقن شوي تياخدو بعضن   .

منسكب المزيج بالقالب المبطن (ممكن تحطو على وج الخليط جوز او بندق محمص ) وبتفوتو على الفرن مدة ٢٥ ل ٣٠ دقيقة

بالدقيقة ال ٢٥ بتختبرو القالب بعود خشب ( لازم يطلع العود رطب شوي) إذا كان كتير رطب منكفي خمس دقايق والف صحة