الاسرة المصرية في انحدار

والله ياجماعه انا شايفه شويه نطاعه انما ايه اروجانيك???? ،طبعا بما اني ست وأصحاب ليا كتير عملني اضافه في جروبات ستات كتير او جروبات تانيه بتاعت مشاكل ،انا لاحظت ايه بقي بالصلاه علي النبي كده انا الاسره المصريه بقيت في انحدار رهيب النخوه وعزه النفس راحت في الوبا???? الأصول بح ، راح راح وانقضي ،المسأله باختصار ان كل المشاكل بتتبعت بسبب ايه بقي  ،لبس العيد والعيديه بتاعت البنت المخطوبه وانها مقموصه ان خطيبها اللي طافح الدم ياكبد امه في شراء و تشطيب شقه وعفش وبلاء ازرق، والهانم بنت الراجل النطع اه نطع مخلي بنته تتجرأ وتطلب طقم العيد والعيديه وتحرج الخطيب ولو الراجل جاب شيء بسيط او اداها عيديه رمزيه مثلا  تبقي بجحه شبه البيت اللي طالعه منه وتحرج الخطيب وتتجرأ وتحرجه وتقوله انت بتهرج وانه لازم يجيب لها طقم اللبس كامل من الابره للصاروخ  والعيديه ،لاء وكمان تطلب مصروف شهري لها ،ايه البجاحه دي وقله الادب وقله القيمه والدناوه دي وانت ياابو جهل وانتي يأم جهل ازاي تقبلوا تدنو بنتكم بالشكل ده ، الهدايا دي ذوقيا من العريس مش إجباري، هو مش ملزوم يلبسها ويصرف عليها وهي في بيت ابوها ،بجد بجد شكلنا بقي زفت والجروبات مليانه جنسيات من كل البلاد الله يحرقكم عرتونا واظهرتوا للناس اننا شعب مادي وجعان اخص بجد ،عزه النفس والأصول اندثرت فعلا ،اللي يدخل علي اسره اصيله ومحترمه يمسك فيها بايده وسنانه عشان الموجود كله مقرف