يا غزه اخواتك باعوكى
خانوا القضيه وطبعوا
ماتصرخيش ف البريه
الصحرا مش هتسمعو
صوتك ضعيف فى وحدتك
يا لوعتك
مين اللى يدفع دفتك
مين اللى يرفعلك شراع
مين اللى يسحب مركبك وسط الركام
مين اللى مد لك دراع
ومين اللى باع
مانتيش بحجم اللى بطش
من البدايه والاساس
زيتونك الأخضر عطش
والنيل على حد التماس
الأقصى داسه الأحتلال ؟
رفضتى ليه ينداس
ما الكل وافق ع المذله وحرقتك
و ب ايه هتنفع صرختك
الأقصى مش محتاج لصوت على
ولا جند ولا حراس
الأقصى مش محتاج لسور
وسلسله ومتراس
محتاج ايدين يتوحدوا
ويوحدوا بإخلاص
الملحمه صبرك
يا شعب غزاوى
معرفش كيف عايش
القصه دى انت
وبطلها والراوى
قاوم وقوم و افتخر
أن أنت حماساوى
يا غزه يامعلمه
ع الحصن والمتاريس
لا عشتى مستسلمه
ولا تنتهى ب تسييس
عزه وعزم و عرق
و دم غالى نفيس
يامسطره الملحمه
وللعدا كوابيس
يا غزه فى صدر العدو
حالفه ما يوم تنزل
النصر جاي ليكى
والخزى للمحتل
يا معريه ضهر الجبان
اللى آخره كلام
يا حفيدة الناصر
يا عِزة للإسلام
يا قبلة الأحرار
صُدى العِدا صُدى
جيش العِدا مغوار
لكنه متردى
يا عم أكتوبر
يا لعنه ع المحتل
النصر فيك أوبر
وعدونا ب ينذل
عشر تلاف شهيد
القصف كالمطرقه
و مكمله بثبات
يا عصيه ع المحرقه
مع فجر بكره الجاى
يتجدد الإنبات