كل الجروح ليها دوا
يا طير يا طاير ف الهوا
اطوى الجناح على الجراح
وياللا نطير سوا
أنا مش هابيع الصدق بالأكاذيب
ولا أقولش للحمل الوديع يا ديب
ولا أقولش للديب يا أعز حبيب
والصدق مهما عز
فى الأزمة مش هاهتز
ساعات يكون كتم الأنين أصدق
وأنا مهما أقع راح أقوم
ودى مسألة مبدأ
كل الجروح ليها دوا
بيكدبوا الصدق أما الكدب يتصدق
يا ليل تطول
بكرة تلقى الفجر بيشقشق
أنا فى انتظار الصباح
أنا احتويت الجراح
وخلاص نسيت اللى راح
ومن جديد هابدأ
ودى مسألة مبدأ.
عبد الرحمن الابنودى
16