ناس كتير بقه عندها وسواس اسمه وسواس السحر أي حاجه غريبة يلاقوها عالطول يقولوا دي سحر كل يوم بتجيلي أسئلة عن حاجات بيلاقيها الناس وخايفين تكون سحر !!! 

لدرجة إن حد باعتلي صورة لكيس فيه "السيليكا جل" وخايف ليكون ده سحر حد عاملهوله!!! 

واحد كان في عرفات وساب الخاتم بتاعه كذكرى أو وقع منه إيه علاقة ده بالسحر!

ناس لما بتحلق شعرها بعد العمرة بتحتفظ بيه كذكرى فوقع منها أو ضاع منها في عرفات بقه سحر !! 

انا عن نفسي كل عمره عملتها حاطط شعر التحلل في ظرف وكاتب تاريخ العمرة على الظرف ولولا أني كاتب إن ده شعر العمرة ممكن بعد أموت واحد جاهل يقول لولادي ده سحر !!

حد كاتب أسامي ناس في ورقة علشان يدعيلهم في عرفة والورقة دي وقعت منه أو هو الي سابها هناك بقه سحر !!

واحد جاهل لقى ورق مكتوب فيه حاجات هو مش فاهمها عالطول ده بقه سحر !! 

فيه علم اسمه علم الحرف وهو عبارة عن جداول ورموز وملوش علاقة بالسحر أحنا بس اللي وصلنا لدرجة كبيرة من الجهل . 

كفاية سوء ظن بالمسلمين كفاية تشويه لحجاج بيت الله الحرام 

كفاية نشر لهذا التريند المتخلف . 

اللي عاوز يعمل سحر مش هيدفع ٢٠٠ أو ٣٠٠ ألف جنيه علشان يروح يرمي السحر على جبل عرفات !! 

كل بلد وكل قرية فيها مقابر وممكن يحط السحر في أي مقبرة ومش هيتكلف حتى ١٠٠ ج .