كل ما أفتح التلفزيون أشوف برنامج ديني ألاقي بتوع جمع التبرعات وموضة أوقاف النخيل!

أحنا لسه على أبو قديمه من 1500سنة مازلنا نجتر الماضي حتى في مجال الوقف مفيش تجديد!! 

كل الجمعيات الخيرية بتقلد بعض كله نخل نخل نخل نخل نخل طيب مفيش مانجة ؟!! مفيش أشجار تانية مثمرة ؟

طيب سيدنا عثمان بن عفان أوقف نخل علشان المدينة كانت مشتهرة بالنخل وهو كان يملك مزارع نخل ! ولكن أحنا بنقلد تقليد أعمى بدون دراسة الدوافع والأسباب ولا معرفة النتائج والآثار 

 الناس طلعت القمر واخترعت المخترعات وبقه فيه مليون حاجه جديدة مطلوبة بشدة وأحنا لسه هنزرع نخل !! 

وبعدين سهم نخلة إيه اللي ب5000 الاف جنيه ؟! نخلة صغيرة متساويش 200ج أزاي تبقى ب 5000 ج . 

 موضوع الأوقاف ده لازم يكون تحت مظلة الدولة ويكون منظم ومراقب لأن أموال كتيرة جدا بتجمع من التبرعات ولكن إما أن تذهب لمن لا يستحق أو بتتصرف بشكل عشوائي غير منظم. 

الدولة لازم تطرح مشاريع وقفية تناسب العصر زي مثلا ألواح الطاقة الشمسية وب 5000 ج ممكن الواحد يشتري 20لوح كصدقة جارية وانتاج الطاقة هيكون فوري مش هنستنى خمس سنين عقبال ما النخلة تطرح ده لو طرحت والأرض ملفظتهاش وباظت وفسدت! 

وكمان سوق الطاقة الشمسية مربح جدا والطاقة مطلوبة جدا وتصدر بالعملة الصعبة.

بعكس التمور معلهاش إقبال عند معظم الناس غير في رمضان وأسعارها لا يقارن بسعر الطاقة الشمسية.