يعني الناس اللي بتعاير تامر أمين أن أبوه كان مسؤل وإعلامي كبير هل لو كانوا في مكان تامر كانوا هيرفضوا الواسطة ؟ والله يا بني أبدا !

أحنا بناهجم الواسطة علشان بس مش لينا ولكن لو جت لينا مش هنقول لأ ! وهنقول الحمد لله ربنا وقف لينا ولاد الحلال هههههه 

صحيح ممكن يكون أبو تامر سهل لتامر العمل كمذيع ولكن ده ميمنعش إن تامر أمين مذيع موهوب ولبق ومتمكن ولو مكنش كده مكنش فضل موجود لحد الان!

 تامر أمين كان المذيع رقم واحد في مصر في وقت من الأوقات واللي عاوز يتعلم مهنة المذيع كما ينبغي أن تكون يروح يجيب حلقات البيت بيتك ويتفرج عليه !

تامر أمين مش نبي معصوم وغلط وخانه التعبير ولكن مش معنى كده أنك تغتاله معنويا وتشهر بيه وبعيلته عيب أوي والله 

ولما تحكم على حد أحكم على مسيرته كلها وعمله كله مش تحكم على حلقة ولا جمله جوه حلقة . 

على فكره لا أعرفه ولا يعرفني ولكن الحق أحق أن يتبع.