نقطة نظام :

 من حق أي شخص يقرأ القران ومن حقه يتدبر معانيه ومن حقه يبحث في التفاسير ومن حقه يبحث في معاجم اللغة ليفهم معاني القران الكريم وده حق لكل مسلم ولكن رأيك وتفسيرك للقران الكريم عمره ما هيكون تفسير معتمد ممكن نرجع إليه أو نعول عليه أو نحتكم إليه في حل الإشكاليات أو نقاط الخلاف والتنازع لأنك شخص غير متخصص ولكن سنلجأ لهيئة كبار العلماء في الأزهر الشريف زي بالظبط كده من حق كل مصري يقرا الدستور المصري ويحاول يفهم معانيه ويحاول يفسره ولكن تفسير أي شخص غير متخصص في القانون سيكون تفسير لا يمكن الاعتماد عليه أو الرجوع إليه أو التعويل عليه او يكون حاسم لنزاع بينا حول تفسير نص دستوري لأنه شخص غير متخصص ولكن ده حق ووظيفة المحكمه الدستورية العليا فقط وما حدش بيقول القانونيين عاوزين يعملوا كهنوت للدستور؟!!أو الدستور ده بتاعنا كلنا مش بتاع القانونيين بس؟! ولا أزاي أعضاء المحكمه الدستورية العليا بس هي اللي تفسر ؟!! ما حدش بيقول كده علشان دي بديهيات مش هنخترع العجله لسه